Plantun de Prouvènço

Pèr coumpara dos planto d'encò nostre

Hypecoum pendulum & Sorbus aria

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.